काठमाडौं । क्रिकेटर सन्दीप लामिछानेविरुद्धको मुद्दा आज (सोमबार) का लागि पेसी तोकिएको छ। काठमाडौं जिल्ला अदालतमा विचाराधीन मुद्दाको अन्तिम फैसलाका लागि आज पेसी तोकिएको हो ।
नाबालिगलाई जबर्जस्ती करणी गरेको मुद्दाको अन्तिम सुनुवाइका लागि पटकपटक पेसी तोकिए पनि टुंगो लाग्न सकेको छैन।यसअघि गत भदौ २१ गते न्यायाधीश शकुन्तला कार्कीको इजलासले पीडित किशोरी र उनको परिवारको बसाइँसराई अभिलेख झिकाउन आदेश दिएको थियो ।
उक्त आदेशअनुसार सम्बन्धित स्थानीय तहले बसाइँसराइ सम्बन्धी विवरण गत साता जिल्ला अदालतमा पेस गरेकाले आजका लागि पेसी तोकिएको हो। अन्तिम सुनुवाइ सकिएपछि सन्दीपले सफाइ पाउने वा जेल जानुपर्ने फैसला हुनेछ।
