काठमाडौं । ‘द भ्वाइस अफ नेपाल’का विजेता किरण गजमेरलाई नेपाल प्रवेशमा रोक लगाएको छ ।
गजमेर नेपालभाषी अमेरिकी नागरिक भएकाले उनलाई नेपाल प्रवेशमा रोक लगाइएको हो । एक प्रवेशाज्ञा (भीसा) वर्षमा अमेरिकी नागरिकहरुले १ सय ८० दिन मात्र नेपाल बस्न पाउने व्यवस्था अनुसार गजमेरले सो अवधि गुजारिसकेका छन् ।
अब गजमेर सन् २०२१ भर नेपाल आउन पाउँदैनन्, गजमेर सन् २०२२ मा मात्र नेपाल प्रवेश गर्न पाउनेछन् ।
गजमेर असोज ११ गते कतार एयरको क्युआर ६५० नम्बरको उडानबाट नेपाल आएका थिए । सोही दिन त्रिभुवन अन्तराष्ट्रिय विमानस्थलस्थित अध्यागमन कार्यालयले त्यहीबाट उनलाई अमेरिका फिर्ता पठाइदिएको थियो।
