अछाम : बान्निगढी जयगढ गाउँपालिका ६ दर्नाका समाजसेवी तथा नेकपा एमालेका नेता धन बहादुर रावत मृत भेटिएका छन् ।
असोज ४ गते देखी बेपत्ता रहेका रावत दर्नाको रवा लेक भन्ने स्थानमा उहाँको शव भेटिएको हो ।
असोज ४ गते जिल्लाको रामारोशन गाउँपालिका वडा नम्बर ७ सुतारको अनन्ते मेला हेर्न गएका रावत त्यो दिनको रातिदेखि बेपत्ता रहेका थिए । खोजी गर्ने क्रममा रावतको सब सोमवार बिहान कालारवा लेकको जङ्गलमा भेटिएको हो ।
रावतको खोजीका लागी स्थानीय सँगै नेपाल प्रहरी र सशस्त्र प्रहरी खटिएका थिए । मोबाइल लोकेसनका आधारमा खोजी गर्दै उनको सब भेटिएको प्रहरिले बताएको छ ।
रावत स्थानीय तहको निर्वाचनमा बान्नीगढी जयगढ गाउँपालिका वडा नम्बर ६ दर्नाको वडा अध्यक्षको उम्मेद्वार बन्नु भएको थियो । घटनाबारे प्रहरीले अनुसन्धान गरिरहेको छ ।
