५ कार्तिक २०७८, शुक्रबार

गृहजिल्लामै रामचन्द्र पौडेल कमजोर !

१० आश्विन २०७८, आईतवार
गृहजिल्लामै रामचन्द्र पौडेल कमजोर !

तनहुँ । गाउँ तथा नगर अधिवेशनमा कांग्रेस वरिष्ठ नेता रामचन्द्र पौडेल समूह गृहजिल्ला तनहुँमा कमजोर देखिएको छ । जिल्लाका आठ स्थानीय तहमा शनिबार अधिवेशन सम्पन्न भएको थियो ।

दुईमा सर्वसम्मत र ६ स्थानीय तहमा मतदानमार्फत नेतृत्व चयन भएको थियो । दुई स्थानीय तहमा भने अधिवेशन स्थगित भएको छ ।

१४औँ महाधिवेशनमा सभापति उठ्ने बताइरहेका वरिष्ठ नेता पौडेल निकटले आठमध्ये दुई स्थानीय तहमा मात्र सभापति जितेका छन् । पौडेलको गृहजिल्लामा संस्थापन शेरबहादुर देउवा पक्ष बलियो देखिएको छ ।

देउवानिकट शंकर भण्डारीलगायतका नेता निकटले चार स्थानीय तहमा सभापति जितेका छन् । रामचन्द्र र प्रदिप पौडेलनिकटले दुई÷दुई स्थानीय तहमा सभापति जितेका हुन् ।

रामचन्द्रको आफ्नै गृहनगर व्यास र भानु नगरपालिकामा उनी निकटले सभापति जितेका छन् । व्यासको सभापतिमा सूर्यचन्द्र हड्खले र भानुको सभापतिमा रामकुमार श्रेष्ठ निर्वाचित भएका हुन् ।

संस्थापन पक्षले देवघाट गाउँपालिका, बन्दीपुर, आँबुखैरेनी र म्याग्दे गाउँपालिकामा जित हात पारेको हो । देवघाटमा तिलबहादुर थापा निर्विरोध निर्वाचित भए । बन्दिपुरमा कर्ण खत्री, म्याग्देमा रामभक्त घिमिरे र आँबुखैरेनीमा विष्णु पन्थ मतदानमार्फत निर्वाचित भएका छन् ।

प्रदिप निकटले शुक्लागण्डकी नगरपालिका र घिरिङ गाउँपालिकामा सभापति जितेका छन् । शुक्लागण्डकीमा सुरुमा संस्थापन पक्षसँगै, पौडेल र जोशीका उम्मेदवार मिलेर ७९ वर्षीय गोपीबहादुर गुरुङको नेतृत्वमा चुनावी प्यानल घोषणा गरेको थियो ।

गृहनगरमा वाइपास भएका प्रदिप निकटले पनि गोपीबहादुरलाई नै समर्थन गर्दै अन्य पदमा उम्मेदवारी दिएका थिए । गोपीबहादुर सर्वसम्मत भए ।

चुनावी मैदानमा उत्रिएको प्रदिपको प्यानलले एकछत्र जित हासिल गर्न सफल भयो । दुवै समूहले आफ्नो दाबी गरेका निर्विरोध सभापति बनेका गोपीबहादुर पनि पछिल्लो समय प्रदिप निकट रहेको बुझिएको छ ।

उनी पहिले पूर्वसहमहामन्त्री गोविन्दराज जोशीको गुटमा रहेका कांग्रेसी नेताहरुले बताएका छन् । पछिल्लो समय गुरुङ शुक्लागण्डकी नगरपालिकाका मेयर किसान गुरुङ निकट मानिन्छन् । र पहिले रामचन्द्र पक्षका भनिने किसान अहिले प्रदिपको पक्षका हुन् ।

घिरिङ गाउँपालिकामा पनि प्रदिप निकटका यम थापा सर्वसम्मत निर्वाचित भएका छन् । अधिवेशन हुन बाँकी भिमाद र ऋषिङमा रामचन्द्र र संस्थापन पक्षका अवस्थामा समान देखिन्छ ।

सुदुरपश्चिम प्रदेश धनगढी, कैलाली
९८४८५४५७४७
khabaruyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo
143 Shares
Tweet
Share143
Share
Pin