२१ श्रावण २०७८, बिहीबार

संगीत सुनेपछि दुध बढाउने अचम्मको यो गाई

७ श्रावण २०७८, बिहीबार
संगीत सुनेपछि दुध बढाउने अचम्मको यो गाई

सङ्गीतले मानिसलाई मात्र होइन जनावरमा समेत अत्यन्त सकारात्मक प्रभाव पार्ने व्यवहारतः सिद्ध भएको छ । राजस्थान (भारत)का एक कृषकले सङ्गीतको माध्यमबाट आफूले व्यवसायमा ठूलो मात्रामा अतिरिक्त लाभ लिँदै आएको खुलासा गरेका छन् । दौलतराम गोयन नामका उनी गाईफर्मका मालिक हुन्, जसको फर्ममा पाँच सय ५० गाई छन् । आफ्ना गाईलाई प्रतिदिन बिहान–बेलुका दौलतराम एम्प्लिफायर लगाएर तीन घन्टासम्म सङ्गीत सुनाउँछन् । यसबाट प्रसन्न भएका गाईले २० प्रतिशत बढी दूध प्रदान गरेको उनको दाबी छ ।

बिहान साढे पाँच बजेदेखि साढे आठसम्म र साँझ साढे चारदेखि आठ बजेसम्म एम्प्लिफायरमार्फत गाईहरूलाई सुमधुर भजन सुनाइन्छ । कुनै गौभक्तको सुझावअनुसार जब दौलतरामले आफ्ना गाईलाई यसरी सङ्गीत श्रवण गराउन थाले, सुझावकर्ताको दाबीअनुसार नै गाईहरू प्रसन्न भएका र दूध उत्पादनमा २० प्रतिशत बढोत्तरी भएको उनी सुनाउँछन् ।

गाईलाई भजनका अलावा शास्त्रीय सङ्गीत पनि सुनाइने गरेको दौलतराम बताउँछन् । पहिले सुस्त र दुर्बल देखिने गाईको मुहार सङ्गीत सुन्न थालेपछि तन्दुरुस्त बन्न पुगेको छ । उनी आफ्ना गाईको अनुहारमा हिजोआज मुस्कान छाइरहेको अनुभूति गर्दछन् । गाईको उच्च व्यवस्थापनका साथ गाईपालन एवम् दुग्ध उत्पादन गरेका दौलतरामलाई राज्य सरकारले समेत सम्मानित गरिसकेको छ ।

सुदुरपश्चिम प्रदेश धनगढी, कैलाली
९८४८५४५७४७
khabaruyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo
0 Shares
Tweet
Share
Share
Pin