कञ्चनपुर। भीमदत्त नगरपालिका–४ गोबरियामा घरभेटीका सदस्यलाई लड्डुमा नशालु पदार्थ सेवन गराएर गरगहनासहित नगद चोरी गरेका छन् । खगेश्वरी प्वालीको परिवारका सदस्यलाई नशालु पदार्थ सेवन गराएर गरगहनासहित नगद चोरी गरेका हुन् ।
प्वालीको घरमा कोठा भाडामा बस्ने दुई जना भारतीय नागरिकले भारतमा रहेको घरमा छोरा भएको भन्दै खुसियालीमा घरभेटीका सबै सदस्यलाई लड्डु र पेयपदार्थमा नशालु पदार्थ मिसाएर सेवन गराएर बुधबार राति उनको घरबाट १० आनाको तिलहरीसहित नगद चोरी भएको जिल्ला प्रहरी कार्यालय कञ्चनपुरले जनाएको छ ।
लड्डु र पेयपदार्थ सेवन पछि खगेश्वरीसहित परिवारका ८ जना बेहोस भएका उनीहरुको महाकाली प्रादेशिक अस्पतालमा उपचार भइरहेको छ।
चोरीमा संलग्नको खोजी भइरहेको जिल्ला प्रहरी कार्यालय कञ्चनपुरले जनाएको छ।
