धनगढी : कैलालीमा लागुऔषध (खैरो हिरोईन) सहित २ जना पक्राउ परेका छन् । सोमबार राति १२ बजे कैलालीको भजनी नगरपालिका–६ बाट बर्दगोरिया गाउँपालिका–४ का २६ वर्षीय दिनेश ठकुल्ला र २५ वर्षीय यमराज शाही पक्राउ परेको जिल्ला प्रहरी कार्यालय कैलालीले जनाएको छ।

ठकुल्लाले चलाएको सुपप्र ०१००१० प ६७२८ नम्बरको मोटरसाइकलमा सवार उनीहरुलाई चेकजाँच गर्दा १५ ग्राम ५ सय ०० मिलिग्राम खैरो हिरोइन फेला परेको प्रहरीले जानकारी दिएको छ। शंका लागी चेकजाँच गर्दा उनीहरुको साथबाट लागुऔषध (खैरो हिरोईन) बरामद गरेको हो। पक्राउ परेका दुवैजना र मोटरसाइकलसहित आवश्यक कारवाहीकोलागी ईलाका प्रहरी कार्यालय भजनीको नियन्त्रणमा रहेको  र उनीहरुमाथि थप अनुसन्धान भइरहेको प्रहरीले जनाएको छ ।