धनगढी । कैलालीको गौरीफन्टा नाकाबाट भित्रिएका तीन जनामा कोरोना संक्रमण पुष्टि भएको छ । पछिल्लो २४ घण्टामा नाकामा गरिएको कोरोना परिक्षणमा तीन जनामा संक्रमण पुष्टि भएको हो ।
स्वास्थ्य निर्देशनालय डोटीकाअनुसार सीमा नाकाबाट भित्रिएका १९१ जनाको एन्टीजेन बिधिबाट कोरोना परिक्षण गरिएकोमा १८८ नमूनाको नतिजा भने नेगेटिभ आएको छ ।
शुक्रबार संक्रमण पुष्टि भएका तीनजना कैलालीका भएको स्वास्थ्य निर्देशनालले जनाएको छ । शुक्रबार प्रदेशभर २७४ नमूनाको कोरोना परिक्षण गरिएको छ । जसमा तीन कोरोना संक्रमित थपिएकोमा तीन जना निकाे भएका छन् । हाल प्रदेशमा कोरोनाका संक्रिय संक्रमितको संख्या ७९ रहेको छ ।
