काठमाडौं । नेपाली कांग्रेसका नेता गगन थापाले प्रधानमन्त्री केपि शर्मा ओलिलाई बाहिर तमासा होईन संसदमा आएर बहस गर्न चुनौती दिएका छन् । समयमा मेलम्ची ल्याउन नसकेर सरकारले माफी माग्नु पर्नेमा उल्टै प्रधानमन्त्रीले तमासा देखाएर हिंडेको आरोप लगाए ।
आजको प्रतिनिधिसभामा बोल्दै उनले सरकारले जनतालाई झुक्याउँदै आएको आरोप लगाए । काम सकिएको २ वर्षपछि पुल उद्घाटन गर्ने प्रधानमन्त्रीले विकासका काममा चमत्कार भएको भन्दै हिंडेको उनले आरोप लगाए । संसदबाट भागेका प्रधानमन्त्रीले विकासका काम के के गरे सबै रेकर्ड आफूसँग भएको उनले बताए ।
सरकार बनेको तीन वर्षमा केके काम भए भन्ने बहस गर्न आफूहरु तयार रहेको बताए । उनले अघि भने, ‘तथ्य र तथ्यांकमा टेकेर बहस गर्न म तपाईंलाई संसदमा निम्तो दिन चाहन्छु ।’
देशका गौरभशाली आयोजना बारे केही छलफल नगर्ने बनेर संचालन आईसकेका आफुले नै बनाए भन्ने गरि उद्घाटन गर्ने गरेको उनले बताए ।
