धनगढीः नेकपा माओवादी केन्द्रबाट धनगढी उपमहानगरपालिकाको मेयरमा शान्ति अधिकारीलाई सिफारिस गरेको छ।
नगर कमिटीको बैठकले अधिकारीलाई मेयरको उम्मेदवार बनाउन पार्टीको जिल्ला समन्वय समिति र प्रदेश कमिटीलाई सिफारिस गरेको हो।
गत स्थानीय तह निर्वाचनमा अधिकारीलाई माओवादीबाट धनगढीको उपमेयरको उम्मेदवार बनेकी थिइन्। त्यस्तै धनगढीको उपमेयरमा कृष्णप्रसाद चौधरी, सुरज खाती र बलबहादुर ऐरको नाम जिल्ला समितिलाई सिफारिस गरिएको छ। उपमहानगरभित्र रहेका प्रदेश कमिटी तथा जिल्ला समन्वय समितिका सदस्य, पार्टीका विभिन्न आयोग र विभागका सदस्य, सल्लाहकार, नगर कमिटीका पदाधिकारीको सहितको बैठकले उम्मेदवारको नाम सिफारिस गरेको छ।
