गुल्मी । नेकपा एमालेका अध्यक्ष केपी शर्मा ओलीले आफ्ना कार्यकर्ताहरूलाई उत्ताउलो नबन्न निर्देशन दिएका छन् ।
सोमबार एमालेको मिसन ग्रासरुट अभियानको क्रममा गुल्मीको सदरमुकाम तम्घासमा आयोजित कार्यक्रमलाई सम्बोधन गर्दै ओलीले एमालेमा प्रवेश गरेपछि गङ्गा नदी जस्तै शालीन हुनुपर्ने बताएका हुन् ।
उनले भने, ‘कालीगंगामा सबै गएपछि गङ्गा नै हुन्छ । तिनको खहरे प्रवृत्ति, उत्ताउला प्रवृत्ति सबै हराउँछ । एमालेमा आइसकेपछि खहरेका प्रवृत्ति, अरूका प्रवृत्ति बोकेर हिँड्न मिल्छ ? नेकपा एमाले गङ्गा जस्तै हो । एमाले पार्टी इमानका लागि इमानका साथ लडेको पार्टी हो, बेइमानी भन्ने कुरा कल्पनासमेत गर्न सकिँदैन । तर फेरि पनि कहीँ कहीँ सुनिन्छ, त्यस्ता अनुचित विजातीय प्रवृत्ति पनि पार्टीभित्र प्रवेश भएका छन्, तिनीहरूलाई हामीले हटाउनु पर्नेछ ।’
