२० असार २०७९, सोमबार

प्रहरीले पक्रन खोजेपछि आरोपी रुखमा चढेर भने–‘पक्राउ गर्ने भए हामफालेर मर्छु’

२ चैत्र २०७७, सोमबार
[Sassy_Social_Share]
प्रहरीले पक्रन खोजेपछि आरोपी रुखमा चढेर भने–‘पक्राउ गर्ने भए हामफालेर मर्छु’

काठमाडौं । फरार आरोपी पक्राउ गर्न खोज्दा आइतबार प्रहरीले निकै सास्ती भोग्नुपरेको छ ।  महानगरीय प्रहरी वृत्त बौद्धको टोलीले मकवानपुर घर भएका सुकलाल वाइवा उर्फ खन्तीलाई काठमाडौंको गोकर्णेश्वर नगरपालिका–४ उत्तरबाहिनीबाट पक्राउ गर्न खोज्यो । बसुन्धारा बस्ने खन्ती चोरी मुद्दाका फरार आरोपी हुन् ।

प्रहरीको टिमले आफुलाई पक्रन खोजेपछि खन्ती बागमती नदी करिडोर हुँदै भागे । प्रहरीले उनलाई पच्छ्याइरह्यो । आरोपी अघि–अघि भागे, प्रहरी पछि लाग्यो । गोकर्णको खोँचमा पुगेपछि आरोपी रुखमा चढेर भने–‘पक्राउ गर्ने भए हामफालेर मर्छु ।’

‘लामो मेहनतपछि आरोपीलाई उद्दार गर्न सफल भएका छौं’ महानगरीय प्रहरी वृत्त बौद्धका डिएसपी नविन कार्कीले रातोपाटीसँग भने– ‘मानसिक रोग विशेषज्ञ बोलाएर लामो समय काउन्सिलिङ गरेपछि आरोपी बल्ल फर्कन मानेका छन् ।’ नेपाल प्रहरी अस्पतालका मानसिक रोग विशेषज्ञ एसपी डा.आशिष दत्तले १ घण्टा  काउन्सिलिङ गरेपछि सुकलालले ‘हामफालेर मर्छु’ भन्ने हठ छाडे । त्यसपछि विपद् व्यवस्थापनको उद्धार टोलीले ३० फिट तल भिरबाट उद्धार गरेको महानगरीय प्रहरी परिसर काठमाडौंले जनाएको छ ।

सुदुरपश्चिम प्रदेश धनगढी, कैलाली
९८४८५४५७४७
khabarujyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo