धादिङ : पृथ्वी राजमार्ग अन्तर्गत धादिङ्गको गल्छी गाउपालिका–७ स्थित खेस्टे खोलामा तीन वटा यात्रु बाहक बस एक आपसमा ठक्किदा १३ जना घाइते भएका छन् ।
धादिङ बेशीबाट काठमाडौ जाँदै गरेको बा३ख ८९०४ नम्बरको यात्रुबाहक बसलाई सुर्खेतबाट काठमाडौ जादै गरेको ना५ख ४४९१ नम्बरको यात्र बाहक बसले उछिन्ने क्रममा काठमाडौबाट गोर्खा जाँदै गरेको ना ५ ख ५०७० नम्बरको यात्रुबाहक बसलाई ठक्कर दिदा दुर्घटना भएको हो ।
दुर्घटनाबाट घाइते भएका यात्रुहरूको स्थानीय स्वास्थ्य सेवा गल्छिमा उपचार भइरहेको र २ जनाको अवस्था गम्भीर रहेको प्रहरीले बताएको छ ।
दुर्घटनाबाट राजमार्ग पूर्ण रुपमा अबरुद्ध भएपछि प्रहरी र स्थानीय र त्रिखण्डी महादेव अटो यन्त्र शालाको सहयोगबाट दुर्घटनाग्रस्त सवारी हटाइएको छ ।
