२१ मंसिर २०७९, बुधबार

राष्ट्रपति र प्रधानमन्त्रीबीच भेटवार्ता, आगामी राजनीतिक कदमबारे छलफल

१४ फाल्गुन २०७७, शुक्रबार
राष्ट्रपति र प्रधानमन्त्रीबीच भेटवार्ता, आगामी राजनीतिक कदमबारे छलफल

काठमाडौ : सर्वोच्च अदालतले संसद पुनर्स्थापनाको फैसला गरेपछि पहिलोपटक राष्ट्रपति विद्यादेवी भण्डारी र प्रधानमन्त्री केपी शर्मा ओलीबीच भेटवार्ता भएको छ ।

बिहीबार साँझ प्रधानमन्त्री ओलीले शितल निवासमा राष्ट्रपति भण्डारीसँग करिव डेढ घण्टा परामर्श गरेका हुन् । भेटमा प्रधानमन्त्रीले आगामी राजनीतिक कदमबारे छलफल गरेको बुझिएको छ ।

भेटमा सर्वोच्चको आदेश अनुसार संसदको बैठक कहिले डाक्ने भन्नेबारे छलफल भएको बुझिएको छ । यसअघि प्रधानमन्त्री नेतृत्वको नेकपाले अदालतले तोकेकै समयमा संसद बैठक आह्वान गर्ने निर्णय गरिसकेको छ ।

संसद विघटनको कदम सर्वोच्च अदालतले खारेज गरेपछि प्रधानमन्त्रीको राजीनामा माग हुँदै आएको छ । राष्ट्रपति भण्डारीमाथि महाभियोग लगाउनुपर्ने माग उठिरहेको समयमा भएको भेटलाई महत्वपुर्ण रुपमा लिइएको छ ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved ©KhabarUjyalo