२० असार २०७९, सोमबार

नेकपाको विवाद समाधान नभई सरकारमा नजाने कांग्रेसको निर्णय

१३ फाल्गुन २०७७, बिहीबार
[Sassy_Social_Share]
नेकपाको विवाद समाधान नभई सरकारमा नजाने कांग्रेसको निर्णय

काठमाण्डु – प्रमुख प्रतिपक्षी दल नेपाली कांग्रेसले नेपाल कम्युनिष्ट पार्टी (नेकपा) को विवाद समाधान नभई सत्ताका लागि सहकार्य नगर्ने निर्णय गरेको छ ।

बिहीबार सभापति शेरबहादुर देउवा निवास बुढानिलकण्ठमा बसेको पदाधिकारी बैठकले नेकपाको पछिल्लो अवस्था हेरेर सरकारमा जाने नजाने विषयमा टुंगोमा पुग्ने निर्णय गरेको हो । नेकपाको विवाद र संसद बैठकपछिको अवस्था हेरेर निर्णय गर्ने सहमहामन्त्री डा. प्रकाशशरण महतले बताए ।

उनले संसद बैठकपछि नेकपा कसरी अगाडि बढ्छ त्यही अनुसार काँग्रेसले अन्तिम निर्णय सार्वजनिक गर्ने उनले बताए । महामन्त्री महतले प्रधानमन्त्री केपी शर्मा अ‍ोली संसदीय दलको नेता रहेकाले प्रचण्ड–नेपाल समूहसँग सहकार्य हुन नसक्ने बताए ।

‘यो अवस्थामा भोलि उहाँहरुको पार्टी एकै रहन्छ अथवा अर्को परिस्थिति आउँछ भन्ने कुरा कांग्रेसको नियन्त्रणको कुरा होइन’, उनले भने, ‘अब संसदको बैठक होस् परिस्थिति कसरी अगाडि बढ्छ त्यो अवस्थामा नेपाली कांग्रेसले आफ्नो निर्णय लिन्छ ।’

बुधबार प्रचण्ड–माधव नेपालले सभापति देउवालाई भेटेर प्रधानमन्त्री बन्न अफर गरेको विषय बाहिरिएको थियो । त्यसको भोलीपल्ट सभापति देउवाले पार्टीभित्र गहन छलफल गरेका हुन् ।

सुदुरपश्चिम प्रदेश धनगढी, कैलाली
९८४८५४५७४७
khabarujyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo